Hello大家好, 歡迎嚟到music condo音樂小教室, 今日會同大家講下 如何選擇結他, 同埋1d 相關既結他配件推介. 

其實結他價錢 最受兩種因素影響， 分別係1) 木質 同埋 2) 品牌

先講木質方面， 

一般而言,  如果結他用高級木材, 例如rose wood玫瑰木嘅話，價錢會貴好多，

所以建議初學者可以買支平平哋既木結他就可以, 唔使講究用咩木材; 另外, 就算係平價木材, 如果保養得好嘅話, (例如將結他保持喺適當嘅相對濕度, 勤力啲換結他線等等), 其實出嚟嘅音質都唔會太差， 甚至乎聽唔出同貴價結他有任何分別 (尤其是對於初學者而言). 

至於點樣揀結他好呢？ 其實除咗睇結他有冇撞花之外，主要要留意下以下兩點:

首先，要睇下琴頸直唔直， 同埋線同指板之間嘅距離， 弦距會唔會太高? 因為弦距太高嘅話會好難彈

(理論上結他弦距越高, 彈奏所花嘅氣力都會越多), 例如要浪費更多嘅力氣, 先可以撳到chord.   

其次，睇琴頸裏面， 有無可以用來調整琴頸嘅Truss Rod六角匙孔.

什麼是六角匙呢?

其實六角匙可以用嚟去調整琴頸嘅彎曲程度，從而增加或者減少結他嘅弦距, 令到支結他手感會更加好. 

邊度結他買比較好d呢?

香港嘅大琴行, 例如通利Tomlee, 柏斯Parsons, 由於土地問題, 結他種類同埋配件雖然未必好齊全, 但勝在有地方可以坐低慢慢試; 亦都代理咗好多大品牌, 例如 Martin, Taylor, Fender, Gibson 等等. 但當然價錢同埋質素有時未必成正比, 所以都要自己慢慢試.

至於其他嘅小琴行, 主要會代理一啲小品牌或者國內品牌， 但係其實唔理咩品牌都好，最緊要 揀一支平平哋心水又實用既就ok. 

另外, 除咗結他之外, 仲有其他配件需要買, 呢一方面淘寶的而且確好多選擇;

例如, 以下係一啲初學者必須要買嘅配件, 

Accessories

1. 結他撥片 結他pick~ 用來掃chord同埋彈solo, 軟中硬厚度 各買一塊就ok
2. 結他背帶 Guitar Strap
3. 防潮珠/濕度控制器/ 抽濕機 Dehumidifier~ 用來保持木結他嘅相對濕度係45%至55%之間， 因為太濕或者太乾的話, 對音色都會有影響. 
4. 結他盒/結他袋 Case/Bag
5. 六角匙 Polygon Key~ 用來調整琴頸
6.  調音器/拍子機 Tuner/Metronome (如果唔買，用手機apps都可以代替調音器/拍子機)
7. 移調夾 Capo
8. 結他線 String

如果唔想逐樣逐樣買，淘寶或者琴行， 有好多都有一d結他初學者的start up kit, 裏面好多都有齊曬以上所講嘅配件, 其實對於初學者嚟講都算好足夠, 係唔錯嘅選擇. 

但係，無論買咗一支貴價或者平價嘅結他都好, 都要保持係一個良好嘅相對濕度, 出嚟嘅音色先會好聽. 

所以，下一節，將會同大家講下結他既清潔保養 (eg.點樣調整琴頸), stay tune! 

更多嘅音樂教學可以上 : musiccondo.com